Biblioteca municipal.

 Ola!!! 

Como sabedes a mascota da clase "Suni" está a  traer moitos contos á clase de 2-3 cos que nos sorprende cada día. Moitos deles levan no lombo un distintivo que nos indica que Suni vai por eles á biblioteca municipal de Betanzos porque ten o carné de socia. Ademáis con ese carné pode acceder aos libros de calquera biblioteca da Rede galega de bibliotecas polo que si está en calquera outra vila, Sada, Abegondo, Coruña, Bergondo... pode levar tamén libros en préstamo e incluso acceder á un catálogo on line tanto na plataforma da Rede como na de "Galicia le" e desfrutalos sen saír da casiña. 

Na propia biblioteca poden informarvos de como acceder e facervos socios pero tamén vos adxuntamos un enlace con toda a información para os que esteades interesados ou interesadas.

https://rbgalicia.xunta.gal/es/carne-da-biblioteca

https://www.galiciale.gal/

Case todalas bibliotecas ofrecen espazos adaptados ás crianzas nos que se sinten a gusto e poden escoller libros para levar á casa ou ler alí mesmo, coa familia ou en compaña doutras crianzas. Aquí deixamos algunha foto da biblioteca de Betanzos para quen non a coñeza. Animámosvos a  pasar algunha tardiña por alí e facervos soci@s quenes ainda non o sodes.

Para que nunca nos falten os contos e os libros!!!📚

Mónica.

Esta semana imos estar na lúa.

 Ola!!! 

Estamos a desfrutar dunha superlúa estes días e imos aproveitar este feito para aprender moitas cousas coas crianzas. Chamada a lúa do castor polos nativos de América do Norte por ser esta época na que os castores constrúen as súas presas, será a derradeira superlúa do ano.

https://www.lanasa.net/universo/observacion-astronomica/ya-esta-aqui-la-ultima-superluna-del-ano-la-luna-del-castor

Os ceos despexados inusuais nestas datas permiten que a noite nos brinde este espéctaculo. Un paseiño nocturno paga a pena!

Na aula de 2-3 imos aproveitar está semaniña para estar un pouco na lúa. Como sabedes a colección de libros do berce á lúa ten un que lles encanta, pero imos contar moitas máis historias da lúa, cantar cancións e seguir apreciando á forma de círculo que ten está superlúa que nos acompaña e que eles mesmos poden observar.

Aquí vos deixo algúns recursos cos que imos desfrutar está semana e algunha fotografía de outras actividades nas que xa apareceu a lúa no mes pasado.

Feliz semana a todas e todos.

Mónica.

Todolos días cancións que alegran o corazón.

 Ola!!!

 Hoxe estamos moi contentas xa que recibimos a primeira mensaxe na colmea dos desexos. Moitas grazas!!! Pedíades se podíamos  compartir algunha canción das que cantamos na aula cada día e aquí van dúas delas para comezar.

Como vedes no noso repertorio collen as cancións de sempre que se cantaban os avós e avoas e outras máis modernas, o caso e cantar!!!

Últimamente estanos falando e contando un  conto de cabalos que lles gusta moito tanto na aula de 1-2 como na de 2-3, e o acompañamos desta canción tradicional. Facemos unha versión propia en galego na que cambiamos "cola elegante "por "cola moi longa". A primeira parte a cantamos co conto  pero pouco a pouco iremos sabendo novas estrofas engadidas.

 Por outro lado as cancións que se acompañan de xestos e e movementos do corpo e un recurso que lles encanta en calquera momento co que traballamos a motricidade grosa e a expresión corporal. Esta semana estamos desfrutando moito con está canción acompañada de coreografia que fala dos sentimentos e da autoimaxe positiva que agardamos todos e todas adquiran dende agora e ao longo da sua vida para lograr todo o que se propoñan. Quererse e aceptarse, que gran aprendizaxe...

Aquí a deixamos para todos e todas  para cantar, moverse e pasalo moi ben!!

Mónica.

Queridos animais do mundo.

 Ola!!!

A revolución dos animais chegou á escola. Saíron do caixón  e nos sorprenderon con este mundo propio co que as crianzas desfrutaron moito. Unha experiencia para manipular, construír, facer, desfacer, discurrir e tamén recoller como exercicio de traballo colaborativo e de clasificación. As provocacións deste tipo con diferentes materiais lles encantan porque a presentación dos materiais de forma atractiva e diferente á habitual invita ao xogo de diversas maneiras e fai que xurdan novas experiencias e aprendizaxes.

Nesta ocasión os materias empedrados xunto coas figuriñas de diferentes animais foron madeiras, teas, cunchas, alfombriñas, corchos, e recipientes.

Deixamos algunhas fotos da preparación desta actividade. Agardamos que os animais do caixón se revolucionen moitas máis veces.

Mónica.

Ioga. Saúdo ao sol 🕉️

Ola!!!

Hoxe queremos compartir con vós un recurso co que estamos practicando ioga na clase tanto co grupo de 1-2 como o de 2-3. 

Resulta moi divertido e gracias á música e á sucesión de posturas (asanas) exercitamos a motricidade grosa á vez que se traballa o ritmo e a súa velocidade (lento e rápido). Nesta versión tan orixinal acompañada de canción recréanse algúns conceptos e accións relacionadas con animais xa recoñecidos polas crianzas, o can que rasca a patiña, a serpe e o son que fai, e a rá co seu salto tan característico.

Agardamos que desfrutedes moito deste recurso na casa tamén. Podedes atopar esta versión que vos adxuntamos con imaxes, ou so o audio en plataformas musicais para poder escoitar en calquera parte, ambas lles gustan moito.

Namasté.

Mónica.

Froitas!!!

 Ola!!!

Hoxe queremos compartir con todos e todas este libro de Kalandraka da colección do berce á lúa que está gustando moito estes últimos días. Gracias a esta versión tan linda en lingua  de signos introducimos a rutina do tentempé diario aprendendo como nomear as froitas coas nosas mans.

Como sabedes as rutinas diarias son unha parte moi importante na aprendizaxe, na adquisición de autonomía, na socialización e fan que as crianzas se sintan máis involucradas, seguras e orientadas na xornada escolar.

Este tipo de recursos ou rituais como pode ser un conto ou unha canción serven de introducción a certos momentos que cada día se repiten como o xantar ou a sesta. Sempre son moi celebrados e disfrutados xa que con eles participan e se sinten protagonistas da escola como espacio propio que é.

Mónica.